ԵՐԵՎԱՆ, 2 մարտի - Sputnik. Բեյրութի ուղղությամբ Իսրայելի հարվածների առաջին ալիքի հետևանքով ավելի քան 30 մարդ է զոհվել։ Այս մասին հայտնում են Լիբանանի իշխանությունները։
Նշվում է նաև, որ շուրջ 150 վիրավորվել է։
Իսրայելի պաշտպանության բանակն իր հերթին հայտնել է, որ Հուսեյն Մաքլեդը, որը զբաղեցնում էր «Հզբոլլահի» հետախուզության ղեկավարի պաշտոնը, մարտի մեկին Բեյրութում սպավել է թիրախային հարվածի արդյունքում։
Իսրայելական բանակն այսօր` մարտի 2–ին, ռազմական գործողություն է սկսել Լիբանանում և ռմբակոծել է Բեյրութը։
Լիբանանի կառավարությունն արգելել է «Հզբոլլահ» խմբավորման ցանկացած զինված գործունեություն և պատրաստակամություն է հայտնել վերսկսել բանակցությունները Թել Ավիվի հետ։
Հիշեցնենք` չնայած անցած շաբաթ Ժնևում Օմանի միջնորդությամբ Վաշինգտոնի և Թեհրանի միջև իրանական «միջուկային դոսյեի» շուրջ բանակցություններին, ԱՄՆ-ն և Իսրայելը փետրվարի 28-ի առավոտյան հարվածներ են հասցրել Իրանին։ Սպանվել են երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և Պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցրել Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: