ԵՐԵՎԱՆ, 21 փետրվարի - Sputnik. Ռուսական ՀՕՊ հերթապահ միջոցներն անցած գիշերվա ընթացքում Ռուսաստանի մարզերի օդում ուկրաինական 77 անօդաչու թռչող սարք են խոցել։ Այս մասին հայտնել են ՌԴ պաշտպանության նախարարությունից։
«Անցած գիշերվա ընթացքում ՀՕՊ հերթապահ միջոցները որսացել և ոչնչացրել են ուկրաինական 77 ինքնաթիռային տիպի անօդաչու թռչող սարք. 24 ԱԹՍ՝ Կրասնոդարի երկրամասի տարածքում, 13 ԱԹՍ՝ Ղրիմի Հանրապետության տարածքում, 9 ԱԹՍ՝ Կուրսկի մարզի տարածքում, 9 ԱԹՍ՝ Ռոստովի մարզի տարածքում, 8 ԱԹՍ՝ Բելգորոդի մարզի տարածքում, 5 ԱԹՍ՝ Սամարայի մարզի տարածքում, 4 ԱԹՍ՝ Ազովի ծովի ջրատարածքում, 3 ԱԹՍ՝ Սարատովի մարզի տարածքում, 1 ԱԹՍ՝ Վոլգոգրադի մարզի տարածքում և 1 ԱԹՍ՝ Վորոնեժի մարզի տարածքում»,- ասված է ռազմական գերատեսչության հաղորդագրության մեջ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։