ԵՐԵՎԱՆ, 16 փետրվարի - Sputnik. Ռուսական զորքերը վերահսկողության տակ են վերցրել Դոնեցկի Մինկովկա և Սումիի մարզի Պոկրովկա բնակավայրերը, հայտնում է ՌԴ ՊՆ-ն։
«Զորքերի «Հարավային» խմբավորման ստորաբաժանումները ակտիվ գործողությունների արդյունքում ազատագրել են Դոնեցկի Ժողովրդական Հանրապետության Մինկովկա բնակավայրը»,- ասված է գերատեսչության հաղորդագրության մեջ:
Նշվում է, որ Պոկրովկան վերահսկողության տակ են վերցրել «Հյուսիս» զորքերի խմբավորման ստորաբաժանումները:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։