ԵՐԵՎԱՆ, 16 փետրվարի – Sputnik. Ապրիլին Հայաստանում առաջին անգամ մանկական ուղեղային կաթվածի վիրահատություն կիրականացվի։ Երևանի քաղաքապետարանի գործակարգավարական խորհրդակցության ժամանակ այս մասին հայտնեց առողջապահության վարչության պետ Դավիթ Կարապետյանը։
«Փետրվարի 2-6-ը Երևանի «Սուրբ Աստվածամայր» ԲԿ-ի տնօրենության և անձնակազմի հետ գործուղվել ենք Շանհայ քաղաք։ Այնտեղի մանկական հիվանդանոցի և «Սուրբ Աստվածամայր» ԲԿ-ի միջև համագործակցության հուշագիր է ստորագրվել մանկական ուղեղային կաթվածի վիրահատական բուժման և վերականգնողական բուժման ուղղությամբ։ Ընթացքում նաև համատեղ վիրահատություններ են իրականացվել։ ՀՀ-ում նմանատիպ վիրահատություն առաջին անգամ նախատեսվում է իրականացնել ապրիլին։ Նախօրոք հերթագրված պացիենտների հավաքագրումն իրականացվելու է «Սուրբ Աստվածամայր» ԲԿ-ում»,- ասաց Կարապետյանը։
Նրա խոսքով՝ նման վիրահատությունում տարածաշրջանում դեռ չի իրականացվել։
մոտ 24 մլն դոլար արժողությամբ սարքավորումները կտրամադրի չինական կողմը, իսկ հետագա բուժումը կլինի «Սուրբ Աստվածամայրի» նոր վերանորոգվող վերականգնողական կենտրոնում։
Երևանի քաղաքապետ Տիգրան Ավինյանը նշեց` սա հպարտության առիթ է, որ տարածաշրջանում առաջին անգամ հենց Երևանում է հնարավոր է լինելու նմանատիպ վիրահատություն իրականացնել։