ԵՐԵՎԱՆ, 16 փետրվարի – Sputnik. Առաջիկայում նախատեսվում է Հայաստանի ու Ադրբեջանի սահմանազատման հանձնաժողովների հանդիպում, ասուլիսի ժամանակ հայտնեց օրեր առաջ կայացած հայ-ադրբեջանական կլոր սեղանի մասնակից, «Հայկական խորhուրդ» վերլուծական կենտրոնի ասոցացված փորձագետ Նարեկ Մինասյանը։
Նշենք, որ Հայաստանում փետրվարի 13-14-ը «Խաղաղության կամուրջ» նախաձեռնության շրջանակում անցկացվել է երկկողմ կլոր սեղան, որի ընթացքում հանդիպել են Հայաստանի և Ադրբեջանի քաղաքացիական հասարակությունների ներկայացուցիչները։
«Առաջիկայում նախատեսվում է երկու երկրների սահմանազատման հանձնաժողովների հանդիպում։ Հաշվի առնելով, որ նախորդը Ադրբեջանի տարածքում էր, ամենայն հավանականությամբ, հաջորդ հանդիպումը կլինի Հայաստանում»,– ասաց Մինասյանը։
Հիշեցնենք, որ 2025 թվականի նոյեմբերին 28–ին Ադրբեջանի Գաբալա քաղաքում Հայաստանի Հանրապետության փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի նախագահությամբ տեղի է ունեցել սահմանազատման հանձնաժողովների 12-րդ հանդիպումը:
Ավելի վաղ՝ 2025-ի սեպտեմբերին Հայաստանի ու Ադրբեջանի պատվիրակությունները փոխադարձ այցելություններ էին կատարել Հայաստանի և Ադրբեջանի մերձսահմանային՝ Սյունիքի մարզի և Զանգելանի շրջանի հարավային տարածքներ: