ԵՐԵՎԱՆ, 11 փետրվարի - Sputnik. Անապա քաղաքի Պրոմիշլեննայա փողոցում՝ արդյունաբերական քոլեջի մոտակայքում, հրաձգություն է տեղի ունեցել, կա երկու վիրավոր։ Այս մասին հայտնում են տեղական ԶԼՄ–ները:
Տուժածները շտապօգնության մեքենաներով տեղափոխվել են հիվանդանոց։
Նշվում է, որ հարձակման մեջ կասկածվողն արդեն ձերբակալված է: Նա զինված է եղել որսորդական հրացանոցվ։ Shot տելեգրամյան ալիքի տեղեկություններով՝ նա Իլյա Օ.–ն է։ Նա առանձնապես չի փայլել ուսման ընթացքում և խնդիրներ է ունեցել համակուրսեցիների հետ։ Իլյան ապրումներ է ունեցել նաև ծնողների ամուսնալուծության պատճառով։
Միջադեպի պատճառով ներկայում Պրոմիշլեննայա փողոցն ամբողջությամբ փակ է։ Տեղում աշխատում են ոստիկանությունն ու Ռոսգվարդիան։
Ուսումնական հաստատությունից ուսանողներին առայժմ բաց չեն թողնում։
Իրավապահ մարմիններից պաշտոնական մեկնաբանություններ դեռևս չեն ստացվել: