ԵՐԵՎԱՆ, 5 փետրվարի — Sputnik. Եվրասիական տնտեսական հանձնաժողովի կոլեգիան առաջարկ է հրապարակել, որը սահմանում է սև մետալուրգիայի ոլորտում ԵԱՏՄ երկրների համագործակցության զարգացման նոր հեռանկարային ուղղությունները՝ հաշվի առնելով առկա ինտեգրացիոն ներուժը։ Այս մասին հայտնում է ԵՏՀ մամուլի ծառայությունը:
Միության պետությունները մտադիր են նորարարական պողպատների ընդհանուր մատակարարումներ և նոր տեխնոլոգիաների փոխանակում իրականացնել։
«Առաջարկի ընդունումը կնպաստի սև մետալուրգիայի ոլորտում համագործակցության հետագա խորացմանը՝ հաշվի առնելով ԵԱՏՄ երկրներում ոլորտի զարգացման ընթացիկ առաջնահերթությունները»,- հայտարարել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը:
Նշվում է, որ առաջարկը պատրաստվել է ԵԱՏՄ անդամ պետությունների սև մետալուրգիայի ոլորտի զարգացման վերլուծական ակնարկի եզրակացությունների հիման վրա: