ԵՐԵՎԱՆ, 3 փետրվարի – Sputnik. Իրանի իրավապահ մարմինները ձերբակալել են 139 օտարերկրացու, որոնք մասնակցել են երկրի կենտրոնական մասում գտնվող Յազդի նահանգում վերջերս տեղի ունեցած անկարգություններին: Այս մասին հայտարարել է նահանգի ոստիկանական վարչության հրամանատար Ահմադ Նեգյահբանը։
Նա նշել է, որ ձերբակալված անձինք, սերտ կապեր պահպանելով հակաիրանական օտարերկրյա կազմակերպությունների հետ, ակտիվ մասնակցություն են ունեցել բնակչությանը սադրելուն, ինչպես նաև Յազդի տարածքում անկարգությունների համակարգմանը:
Հիշեցնենք` Իրանում բողոքի զանգվածային ակցիաներ սկսվեցին 2025–ի դեկտեմբերի 28-ին։ Դժգոհության հիմնական պատճառները փոխարժեքի տատանումներն էին ու գների բարձրացումը։ Սակայն ավելի ուշ Իրանի մի շարք քաղաքներում բողոքի ակցիաները վերաճեցին ոստիկանության հետ բախումների, իսկ կարգախոսները ստացան քաղաքական բնույթ՝ ընդդեմ Իրանում առկա քաղաքական կարգի:
Հունվարի 2-ին ԱՄՆ նախագահ Դոնալդ Թրամփը հայտարարեց, թե ԱՄՆ–ն պատրաստ է պաշտպանել Իրանի քաղաքացիներին, եթե այդ երկրի իշխանությունները ուժ կիրառեն նրանց դեմ: Թեհրանը դատապարտեց այդ սպառնալիքները։
Հունվարի 8-ին Իրանում տեղի ունեցան ամենամասշտաբային բողոքի ցույցերը, որոնք հրահրվել էին 1979 թվականին տապալված շահի որդու՝ Ռեզա Փահլավիի կոչով: Այնուհետև փողոց դուրս եկան գործող իշխանության կողմնակիցները։