ԵՐԵՎԱՆ, 28 հունվարի – Sputnik. «Մարիներա» լցանավի երկու ռուսաստանցի նավաստիներն ազատ են արձակվել։ Այս մասին ՌԻԱ Նովոստիին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նավաստիներն այժմ ճանապարհին են դեպի Ռուսաստան։
Անձնակազմի ևս երկու ռուսաստանցի անդամների ազատ արձակման մասին հաղորդվել էր հունվարի 9-ին։
Հունվարի 7-ին ԱՄՆ զինվորականները նավ են բարձրացել, որից հետո անձնակազմի հետ կապը կորել է։ Ավելի ուշ հայտնի էր դարձլ, որ նավը և անձնակազմը ձերբակալվել են։
ԱՄՆ իշխանությունները հայտարարել են, որ լցանավը խախտել է ԱՄՆ պատժամիջոցային ռեժիմը։ Սպիտակ տան մամուլի քարտուղար Կարոլին Լևիթը հայտնել է, որ նավի ձերբակալման օրդեր է տրվել։
ՌԴ տրանսպորտի նախարարությունն իր հերթին նշել է, որ ամերիկացի զինվորականների բաց ծովում «Մարիներա» լցանավ բարձրանալը հակասում է 1982 թվականի ՄԱԿ-ի «Ծովային իրավունքի մասին» կոնվենցիայի դրույթներին։