ԵՐԵՎԱՆ, 25 հունվարի – Sputnik. Ռուսաստանցի սուսերամարտիկ Յանա Եգորյանը դարձել է ԱՄՆ-ի Սոլթ Լեյք Սիթի քաղաքում ընթացող սուսերամարտի աշխարհի գավաթի խաղարկության փուլի բրոնզե մրցանակակիր: Այս մասին հայտնում է ՌԻԱ Նովոստին:
Հաղթող է ճանաչվել Ֆրանսիան ներկայացնող Սառա Նուչան, արծաթե մեդալը նվաճել է ճապոնուհի Միսակի Էմուրան, մյուս բրոնզե մեդալակիրը իտալուհի Միկելա Բատիստոնն է։ Տղամարդկանց մրցապայքարում Դմիտրի Նասոնովը զբաղեցրել է 21-րդ հորիզոնականը:
Եգորյանը 32 տարեկան է, նա Ռիո դե Ժանեյրոյի օլիմպիական խաղերի կրկնակի չեմպիոն է, աշխարհի եռակի և Եվրոպայի վեցակի չեմպիոն:
Փուլը կավարտվի հունվարի 25-ին թրասուսերի թիմային մրցումներով:
Ռուսաստանցի սուսերամարտիկները Սուսերամարտի միջազգային ֆեդերացիայի (FIE) մրցաշարերում կարող են հանդես գալ չեզոք կարգավիճակով՝ ինչպես անհատական ձևերում, այնպես էլ թիմային մրցումներում, իսկ ռուսաստանցի պատանի մարզիկները դեկտեմբերից կարող են մրցումներին մասնակցել առանց սահմանափակումների: