ԵՐԵՎԱՆ, 24 հունվարի — Sputnik. Ռուսական ՀՕՊ-ի հերթապահ միջոցներն անցած գիշերվա ընթացքում Ռուսաստանի մարզերում խոցել են 75 ուկրաինական անօդաչու թռչող սարք, հայտնել են ՌԴ ՊՆ-ից:
«Անցած գիշերվա ընթացքում ՀՕՊ–ի հերթապահ միջոցները բռնել և ոչնչացրել են 75 ուկրաինական անօդաչու թռչող սարք․ 46 ԱԹՍ՝ Ռոստովի մարզում, 22 ԱԹՍ՝ Բելգորոդի մարզում, երեք ԱԹՍ՝ Ղրիմի Հանրապետության տարածքում, երկու ԱԹՍ՝ Կուրսկի մարզում և մեկական ԱԹՍ՝ Վորոնեժի և Բրյանսկի մարզերում», – ասվում է հաղորդագրության մեջ:
Հիշեցնենք` Ռուսաստանն Ուկրաինայում հատուկ ռազմական գործողություն է սկսել 2022 թվականի փետրվարի 24-ին։ Նախագահ Վլադիմիր Պուտինն այն անվանել է ի պաշտպանություն նրանց, որոնք Կիևի ռեժիմի կողմից 8 տարի շարունակ ենթարկվում են ծաղրուծանակի, ցեղասպանության:
Դրա համար նախատեսվում է իրականացնել Ուկրաինայի ապառազմականացում և ապազգայնացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։