ԵՐԵՎԱՆ, 21 հունվարի – Sputnik. ԱՄՆ նախագահ Թրամփի հայտարարությանը հավանաբար կհետևեն պարզաբանումներ։ Այս մասին ասել է ՌԴ նախագահի մամուլի քարտուղար Դմիտրի Պեսկովը:
Ավելի վաղ Թրամփը «News Nation» հեռուստաալիքին տված հարցազրույցում, մեկնաբանելով Վենեսուելայի նախագահ Նիկոլաս Մադուրոյի առևանգման ժամանակ ամերիկյան ուժերի կողմից ձայնային զենքի կիրառման վարկածը, ասել էր, որ Միացյալ Նահանգներն այնպիսի զենք ունի, որի մասին ոչ ոք չգիտի:
«Այս դեպքում երևի պետք է պարզաբանումներ լինեն այն մասին, թե ինչ նկատի ունի Ամերիկայի Միացյալ Նահանգների նախագահը», - լրագրողներին ասել է Պեսկովը:
Ինչ վերաբերում Է Ուկրաինայի հարցով բանակցություններին, Պեսկովը նշել է, որ Դավոսում ռուս-ամերիկյան հանդիպումը ոչ հրապարակային է եղել, իսկ ուկրաինական կարգավորմանը վերաբերող բոլոր հարցերը փակ բնույթ են կրում: Ռուսաստանը սպասում է ԱՄՆ-ի, ԵՄ-ի և Ուկրաինայի կողմից կարգավորման քննարկման արդյունքների մասին տեղեկությունների՝ ակնկալելով, որ դրանք կստանա ժամանակին։