ԵՐԵՎԱՆ, 18 հունվարի - Sputnik. Ռուսաստանցի թենիսիստներ Կարեն Խաչանովն ու Անդրեյ Ռուբլյովը Պրոֆեսիոնալ թենիսիստների ասոցիացիայի (ATP) վարկանիշային աղյուսակում իջել են մեկական հորիզոնականով:
ՌԻԱ Նովոստինի փոխանցմամբ, Ռուբլյովը, որ այս շաբաթ մրցախաղեր չի անցկացրել, վարկանիշի 14-րդ հորիզոնականից իջել է 15-րդը՝ զիջելով իսպանացի Ալեխանդրո Դավիդովիչ-Ֆոկինային, որը հասել է Ավստրալիայի Ադելաիդայի մրցաշարի կիսաեզրափակիչ:
Խաչանովը, որը նույնպես այս շաբաթ չի խաղացել, 17-րդ տեղից իջել է 18-րդը՝ առաջ թողնելով ներզելանդական Օքլենդի մրցաշարում հաղթած չեխ Յակուբ Մենշիկին:
Առաջին տասնյակում մեկ փոփոխություն է տեղի ունեցել. ամերիկացի Բեն Շելթոնը կանադացի Ֆելիքս Օգե-Ալյասիմի փոխարեն բարձրացել է 7-րդ հորիզոնական: Վարկանիշի առաջատարը շարունակում է մնալ իսպանացի Կառլոս Ալկարասը։
ATP վարկանիշը.
1 (1). Կառլոս Ալկարաս (Իսպանիա) - 12050 միավոր,
2 (2). Յանիկ Սիններ (Իտալիա) – 11500,
3 (3). Ալեքսանդր Զվերև (Գերմանիա) – 5105,
4 (4). Նովակ Ջոկովիչ (Սերբիա) – 4780,
5 (5). Լորենցո Մուզետտի (Իտալիա) – 4105,
6 (6). Ալեքս դե Մինաուր (Ավստրալիա) – 4080,
7 (8). Բեն Շելթոն (ԱՄՆ) – 4000,
8 (7). Ֆելիքս Օգեր-Ալյասիմ (Կանադա) – 3990,
9 (9). Թեյլոր Ֆրից (ԱՄՆ) – 3840,
10 (10). Ալեքսանդր Բուբլիկ (Ղազախստան) – 3065...
15 (14). Անդրեյ Ռուբլյով (Ռուսաստան) - 2600...
18 (17). Կարեն Խաչանով (Ռուսաստան) – 2320։