ԵՐԵՎԱՆ, 15 հունվարի – Sputnik. ՌԴ Սիկտիվկար քաղաքի ՆԳՆ մասնագիտական ուսումնական կենտրոնում տեղի ունեցած միջադեպի հետևանքով վիրավորների թիվը հասել է 12-ի, հայտնել է Կոմի Հանրապետության առողջապահության նախարարությունը։
«Ներկայումս հանրապետական հիվանդանոցում կա յոթ հիվանդ, իսկ Եժվա քաղաքային հիվանդանոցում՝ հինգը, որոնցից չորսը գտնվում են շատ ծանր վիճակում»,–ասված է հայտարարության մեջ։
Կոմիի առողջապահության նախարար Իրինա Կոնդրատիևան հետևել է վիրավորներին տրամադրվող բժշկական օգնությանը։ Նա նշել է, որ հանրապետության առաջատար բժիշկ-մասնագետներ են ուղարկվել բժշկական օգնություն ցուցաբերելու համար։
Հիվանդները գտնվում են 24-ժամյա հսկողության տակ, իսկ ծանր դեպքերում անցկացվում են հեռաբժշկական խորհրդատվություններ դաշնային բժշկական կենտրոնների հետ։
Սիկտիվկարի ՆԳՆ մասնագիտական ուսումնական կենտրոնում տեղի է ունեցել շոկային նռնակի պայթյուն։ Սկզբում հոսպիտալացվել է ութ վիրավոր։ Ծխի պատճառով մոտ 200 մարդ տարհանվել է, իսկ 340 քառակուսի մետր տարածք ընդգրկող հրդեհը մարվել է։ Հարուցվել է քրեական գործ՝ անփութության համար։