ԵՐԵՎԱՆ, 13 հունվարի – Sputnik. Հայ թենիսիստուհի Մարիա Ազիզյանը երկու հաղթանակ է տարել Անթալիայում ընթացող ITF W35 սերիայի մրցաշարի որակավորման փուլում։
Առաջին շրջանում Ազիզյանը հաղթել է թուրք թենիսիստուհի Էսիլա Թոքլուին, իսկ երրորդում՝ ռուսաստանցի Ուստինյա Լեկոմցևային։
Այս մրցաշարում Հայաստանի մյուս ներկայացուցիչը՝ Անի Ամիրաղյանը, պայքարի մեջ է մտել երկրորդ շրջանից և հաղթել է Սերբիան ներկայացնող մարզուհուն։
Որակավորման վերջին՝ երրորդ փուլում Մարիա Ազիզյանը կմրցի Ռուսաստանը ներկայացնող Մարիա Մասիանսկայայի հետ, իսկ Անի Ամիրաղյանը՝ ուկրաինացի Անաստասիա Զապարինյուկի հետ։