ԵՐԵՎԱՆ, 7 հունվարի – Sputnik։ Հակաօդային պաշտպանության ուժերը գիշերը Ռուսաստանի շրջանների վրա ոչնչացրել են ավելի քան 30 ուկրաինական անօդաչու թռչող սարք։ Այս մասին հայտնում է Ռուսաստանի պաշտպանության նախարարությունը։
«Ընդհանուր առմամբ, հունվարի 6-ի ժամը 20:00-ից մինչև հունվարի 7-ի ժամը 7:00-ն (Մոսկվայի ժամանակով) հակաօդային պաշտպանության տագնապի համակարգերը որսացել և ոչնչացրել են 32 ուկրաինական անօդաչու թռչող սարք», - ասվում է հաղորդագրության մեջ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։