ԵՐԵՎԱՆ, 2 հունվարի – Sputnik. Վայոց Ձորում՝ Նորավանքի խաչմերուկի մոտակայքում, «Միցուբիշի» մակնիշի ավտոմեքենան դուրս է եկել ճանապարհի երթևեկելի գոտուց և բախվել հողաթմբին։ Տեղեկությունը հայտնում է ՀՀ ՆԳՆ փրկարար ծառայությունը։
Ճգնաժամային կառավարման կենտրոնը վթարի մասին ահազանգը ստացել է 16։00-ի սահմաններում։
Մինչ փրկարարների կանչի վայր հասնելը երեք տուժած ավտոմեքենայից դուրս են բերվել տեղի ուժերով և տեղափոխվել բժշկական կենտրոն։
Shamshyan.com-ի տեղեկություններով՝ «Միցուբիշին» վարել է Արարատի մարզի բնակիչ 34-ամյա Ալիկ Օ․-ն։ Վթարի հետևանքով «Վայոց ձոր» բժշկական կենտրոն են տեղափոխվել ուղևորներ 36-ամյա Դիանա Օ․-ն, 1 տարեկան Հ․ Օ․-ն և 4 տարեկան Դ․ Օ․-ն։
Վթարի փաստով քննչական վարչությունում նախաձեռնվել է քրեական վարույթ։