ԵՐԵՎԱՆ, 21 դեկտեմբերի — Sputnik. Արտաքին հսկայական ճնշման տակ ԵԱՏՄ-ն մեծացրել է իր կարևորությունը միության տնտեսական ներուժի ամրապնդման գործում։ Այս մասին հայտարարել է Բելառուսի նախագահ Ալեքսանդր Լուկաշենկոն Սանկտ Պետերբուրգում մեկնարկած Եվրասիական տնտեսական բարձրագույն խորհրդի ընդլայնված նիստում։
Ավելի վաղ հինգ երկրների ղեկավարները բանակցություններ են վարել սահմանափակ ձևաչափով։
Ինչպես նշել է Լուկաշենկոն, ԵԱՏՄ-ն հաջողակ է եղել, և միության հետ գործընկերային հարաբերությունների նկատմամբ համաշխարհային մեծամասնության աճող հետաքրքրությունը խոսում է եվրասիական ինտեգրացիոն մոդելի արդիականության մասին։
«Այսօր, հետևելով արդեն իսկ ձևավորված ավանդույթին, մենք Նոր տարվա նախօրեին հանդիպում ենք համախոհների լայն շրջանակի հետ հյուրընկալ հյուսիսային մայրաքաղաքում՝ ամփոփելով մեր համագործակցությունը և թարմացնելով մեր ապագա նպատակները։ Նման ավանդույթները խոսուն կերպով ցույց են տալիս, որ մեր միությունը հաջողության է հասել», - ասել է Բելառուսի ղեկավարը։
Նրա կարծիքով՝ միության հետ գործընկերային հարաբերությունների նկատմամբ գլոբալ մեծամասնության աճող հետաքրքրությունը խոսում է եվրասիական ինտեգրացիոն մոդելի արդիականության մասին, ընդգծում է ԵԱՏՄ-ի՝ որպես տնտեսական ձգողականության բևեռի դերը` բոլոր թերություններով հանդերձ, որոնց մասին խոսվել է նեղ կազմով նիստում:
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը: