ԵՐԵՎԱՆ,14 դեկտեմբերի — Sputnik. Բելգորոդի մարզում երկու կին է տուժել սեփական տան և ավտոմեքենայի վրա Ուկրաինայի ԶՈւ դրոնների հարձակումների հետևանքով, հայտնել է մարզպետ Վյաչեսլավ Գլադկովը:
«Բելգորոդի մարզում՝ Նեչաևկա գյուղում, սեփական տան վրա դրոնի հարձակման հետևանքով կինը բարոտրավմա է ստացել։ Շտապօգնության բրիգադը տեղում բուժօգնություն է ցուցաբերել։ Գրուշևկա գյուղի մոտակայքում գտնվող Վոլոկոնովսկի շրջանում մեքենայի վրա դրոնի հարձակման հետևանքով կինը գլխի, ուսի և ազդրի բեկորային վնասվածքներ է ստացել»,- գրել է Գլադկովը Telegram-ալիքում:
Նա հավելել է, որ տուժածին տեղափոխել են հիվանդանոց, մեքենան վնասվել է։
2022 թ. փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։