ԵՐԵՎԱՆ, 11 դեկտեմբերի – Sputnik. ՀՕՊ ուժերը գիշերը ՌԴ մարզերի վրա 287 ուկրաինական անօդաչու են խոցել, հայտնում է ՌԴ ՊՆ–ն։
«Անցած գիշերվա ընթացքում՝ դեկտեմբերի 10-ին ժամը 23:00-ից մինչև դեկտեմբերի 11-ը ժամը 07:00-ն, ՀՕՊ հերթապահ համակարգերը ուկրաինական ինքնաթիռատիպ 287 անօդաչու են որսացել և ոչնչացրել», – ասվում է հաղրդագրության մեջ։
Մասնավորապես, Բրյանսկի մարզի վրա խոցվել է 118 անօդաչու, 40-ական՝ Կալուգայի և Մոսկվայի մարզերի վրա (այդ թվում 32 ԱԹՍ, որոնք թռչում էին դեպի Մոսկվա), 27–ը՝ Տուլայի մարզի, 19–ը՝ Նովգորոդի մարզի, 11–ը՝ Յարոսլավլի մարզի, 10–ը՝ Լիպեցկի, 6–ը՝ Սմոլենսկի, 5-ական՝ Կուրսկի և Օրյոլի մարզերի, 4–ը` Վորոնեժի և 2–ը` Ռյազանի մարզի երկնքում։
Հիշեցնենք, որ ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
Ռուսաստանը ռազմական գործողություն է սկսել Ուկրաինայում 2022 թվականի փետրվարի 24-ին։ Նախագահ Վլադիմիր Պուտինն այն անվանել է ի պաշտպանություն նրանց, որոնք Կիևի ռեժիմի կողմից 8 տարի շարունակ ենթարկվում են ծաղրուծանակի, ցեղասպանության: Դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։