ԵՐԵՎԱՆ, 10 դեկտեմբերի - Sputnik. ԱՄՆ-ում շրջանային դատարանն արգելել է նախագահ Դոնալդ Թրամփի վարչակազմին՝ երկրի Ազգային գվարդիայի զինվորներին տեղակայել Լոս Անջելեսում: Այս մասին հայտնում է ՌԻԱ Նովոստին՝ վկայակոչելով դատական փաստաթուղթը։
«Պատասխանատուներին ժամանակավորապես արգելվում է Կալիֆոռնիայի ազգային գվարդիայի անդամներին Լոս Անջելես ուղարկել։ Նրանց հանձնարարվում է Կալիֆոռնիայի ազգային գվարդիայի վերահսկողությունը վերադարձնել նահանգապետ Նյուսոմին», – ասվում է Կալիֆոռնիայի հյուսիսային շրջանի դատարանի որոշման մեջ։
Հունիսի 7-ին Լոս Անջելեսի կենտրոնում տեղի ունեցած ICE լայնածավալ ռեյդի ընթացքում հայտնաբերվել են զգալի թվով անօրինական միգրանտներ: Հաջորդ օրը Սպիտակ տունը հայտարարել է քաղաք Ազգային գվարդիայի մարտիկներ մտցնելու մասին։
Լոս Անջելեսի շրջանի իշխանություններն ավելի ուշ հայտարարել են, որ չեն դիմել Ազգային գվարդիայի օգնությանը, և ընդգծել են, որ այն մտցնելու որոշումն ընդունվել է առանց տեղական իշխանությունների հետ համաձայնեցման: Այս կապակցությամբ Գեվին Նյուսոմը ավելի վաղ դատական հայց էր ներկայացրել Թրամփի, Պենտագոնի և պաշտպանության նախարար Փիթ Հեգսեթի դեմ՝ դաշնային օրենսդրությունը և Սահմանադրությունը խախտելու համար: