ԵՐԵՎԱՆ, 9 դեկտեմբերի – Sputnik. Չեբոկսարիում ուկրաինական անօդաչու թռչող սարքերի հարձակման հետևանքով բնակելի շենքեր են վնասվել, վիրավորվել է 4 մարդ, այդ թվում՝ մեկ երեխա, հայտնել է Չուվաշիայի ղեկավար Օլեգ Նիկոլաևը։
Ուկրաինայի զինված ուժերի անօդաչու թռչող սարքերի հարձակումը գրանցվել է այսօր առավոտյան։
«Ցավոք, կան տուժածներ, բնակելի շենքեր են վնասվել», – գրել է Նիկոլաևը Telegram-ում։
Նրա խոսքով՝ արտակարգ ծառայություններն աշխատում են ուժեղացված ռեժիմով՝ արագ վերացնում հետևանքներն ու ապահովում անվտանգությունը։
«Չեբոկսարիի մի քանի մայրուղիներում երթևեկության ժամանակավոր սահմանափակումներ են մտցվել, Խուզանգայա 8 փողոցում գտնվող թիվ 20 դպրոցում օգնության կետ է բացվել», – ասել է նա։
Նիկոլաևը նաև վստահեցրել է, որ վնասված բնակելի շենքերը կվերականգնվեն։
Ավելի վաղ ՌԴ ՊՆ–ն հայտնել էր, որ ՀՕՊ համակարգերը անցած գիշեր Ռուսաստանի մարզերի վրա ուկրաինական 121 անօդաչու են ոչնչացրել։