ԵՐԵՎԱՆ, 7 դեկտեմբերի - Sputnik. Ռուսաստանի զորքը վերահսկողության տակ է վերցրել Խարկովի մարզի Կուչերովկա և Դոնեցկի Ժողովրդական Հանրապետության Ռովնոյե բնակավայրերը։ Տեղեկությունը հայտնում է ՌԴ պաշտպանության նախարարությունը։
««Արևմուտք» զորախմբի ստորաբաժանումները շարունակել են ոչնչացնել Օսկոլ գետի ձախ ափին շրջափակված հակառակորդի խմբավորումը։ 6-րդ բանակի գրոհային խմբերի ակտիվ գործողությունների արդյունքում ազատագրվել է Խարկովի մարզի Կուչերովկա բնակավայրը», – ասված է հաղորդագրության մեջ:
Իրենց հերթին, «Կենտրոն» խմբավորման ստորաբաժանումները վերջնական վերահսկողություն են հաստատել Դոնեցկի Ժողովրդական Հանրապետության Ռովնոյե բնակավայրի նկատմամբ:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։