ԵՐԵՎԱՆ, 2 դեկտեմբերի - Sputnik. Ինդոնեզիայում ջրհեղեղների և սողանքների հետևանքով զոհերի թիվը հասել է 659-ի: Այս մասին հայտնում են տեղական լրատվամիջոցները՝ հղում անելով Ինդոնեզիայի իշխանությունների տվյալներին։
Ինդոնեզիայի Հյուսիսային Սումատրա, Աչեհ և Արևմտյան Սումատրա նահանգներում ջրհեղեղներն ու սողանքները հորդառատ անձրևների հետևանք են: Ավելի վաղ իշխանությունները հայտնել էին 631 զոհի մասին:
«Զոհվել է 659 մարդ, կորել է 475 մարդ, տուժել է 2600 մարդ»,-ասված է հաղորդագրության մեջ:
Նշվում է, որ 1,1 մլն մարդ ստիպված են եղել լքել իրենց տները։