Պապիկյանը Կահիրեում ռազմարդյունաբերական ցուցահանդեսի է մասնակցել

ԵՐԵՎԱՆ, 1 դեկտեմբերի – Sputnik․ ՀՀ պաշտպանության նախարար Սուրեն Պապիկյանը Կահիրեում մասնակցել է «EDEX 2025» ռազմարդյունաբերական միջազգային ցուցահանդեսի։ Տեղեկությունը հայտնում է նախարարը «Ֆեյսբուքի» իր պաշտոնական էջում։

Նշվում է, որ ցուցահանդեսի բացման արարողությունից հետո Պապիկյանը ԲՏԱ նախարարության Ռազմարդյունաբերության կոմիտեի նախագահ Արամ Ջիվանյանի հետ շրջել է տաղավարներում, ծանոթացել ներկայացված ցուցանմուշներին։

Բացի այդ, ՀՀ պաշտպանության նախարարը նաև հանդիպումներ է ունեցել ցուցահանդեսին մասնակցող տարբեր կազմակերպությունների ներկայացուցիչների հետ։

Ավելի ուշ Սուրեն Պապիկյանը հանդիպել է Եգիպտոսի պաշտպանության նախարար, գեներալ Աբդել Մագիդ Սակրի հետ:

Կողմերը հանդիպման ընթացքում քննարկել են պաշտպանության բնագավառում համագործակցության հնարավորություններին առնչվող մի շարք հարցեր:

Հիշեցնենք` նոյեմբերի 18–ին էլ նախարար Պապիկյանը մասնակցել էր «Dubai Airshow 2025» միջազգային ցուցահանդեսի բացման հանդիսավոր արարողությանը։