ԵՐԵՎԱՆ, 28 նոյեմբերի - Sputnik. ՀՕՊ ուժերը մեկ գիշերվա ընթացքում ոչնչացրել են գրեթե 140 ուկրաինական անօդաչու թռչող սարք։ Այս մասին հայտնում է ՌԴ պաշտպանության նախարարությունը:
«Անցած գիշերվա ընթացքում ՀՕՊ-ի հերթապահ միջոցները որսացել և ոչնչացրել են 136 ուկրաինական անօդաչու թռչող սարք»,-ասված է ռազմական գերատեսչության հաղորդագրության մեջ:
Նշվում է, որ 46 ԱԹՍ խոցվել է Ռոստովի մարզի տարածքում, 30-ը՝ Սարատովի մարզի, 29-ը՝ Ղրիմի Հանրապետության, 12-ը՝ Սև ծովի ջրատարածքի, 6-ը՝ Բրյանսկի մարզի, 5-ը՝ Վոլգոգրադի մարզի, 2-ը՝ Վորոնեժի մարզի, 2-ը՝ Մոսկվայի շրջանի տարածքներում, 2-ը՝ Ազովի ծովի ջրատարածքում, մեկական՝ Կուրսկի մարզի և Կալուգայի մարզի տարածքներում։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։