ԵՐԵՎԱՆ, 10 նոյեմբերի – Sputnik. ՀՀ էկոնոմիկայի նախարար Գևորգ Պապոյանը և Սաուդյան Արաբիայի Հանրային ներդրումային հիմնադրամի (PIF) տնօրեն արքայազն Սաուդ բին Սուլթան Ալ Սաուդը քննարկել են ներդրումների հնարավորությունը։ Տեղեկությունը հայտնում է ՀՀ էկոնոմիկայի նախարարությունը` նշելով, որ հանդիպումը կայացել է Ռիադում։
«Հանդիպման ընթացքում քննարկվել են հիմնադրամի կողմից Հայաստանում ներդրումներ կատարելու հնարավորությունները»,– ասված է հաղորդագրությունում։
Գերատեսչությունը նշել է` Հանրային ներդրումային հիմնադրամը (PIF) Սաուդյան Արաբիայի պետական ներդրումային հիմնադրամն է, որը հինգ խոշորագույններից մեկն է աշխարհում։ Այն կառավարում է ավելի քան 900 միլիարդ դոլարի ակտիվներ, ներդրումներ է կատարում տեխնոլոգիաների, ենթակառուցվածքների, էներգետիկայի, տուրիզմի և սպորտի ոլորտներում։