ԵՐԵՎԱՆ, 10 նոյեմբերի – Sputnik. Գազայի հատվածում հրադադարը բավականին փխրուն է, պետք չէ գայթակղվել։ Այս մասին ՌԻԱ Նովոստիին տված հարցազրույցում հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան։
«ՄԱԿ-ում բոլորը կենտրոնացած են Գազայի վրա, քանի որ վերջին երկու տարիների ընթացքում այնտեղ հրեշավոր ողբերգություն է տեղի ունեցել։ Փառք Աստծո, որ հրադադար է հաստատվել։ Այն բավականին փխրուն է, պետք չէ գայթակղվել։ Այս հրադադարը պետք է շարունակվի»,- ասել է դիվանագետը։
Նեբենզյան նշել է, որ այս կարևոր քայլը չպետք է մոռացության մատնի Պաղեստինի պետության ստեղծման հիմքով հակամարտության լուծման մասին։
Իսրայելի և ՀԱՄԱՍ-ի միջև հրադադարի համաձայնագիրը ուժի մեջ է մտել հոկտեմբերի 10-ին։ Համաձայնագրի շրջանակներում շարժումն ազատ է արձակել 20 պատանդների, որոնք Գազայում պահվում էին 2023-ի հոկտեմբերի 7-ից։ Սա նշանակում է, որ Իսրայելի բոլոր պատանդներն ազատ են արձակվել։ Պաղեստինի բանտարկյալների հարցերով լրատվամիջոցների գրասենյակը հաստատել է, որ Իսրայելի իշխանությունները, համաձայնագրի համաձայն, ազատ են արձակել Գազայի հատվածից վերադարձած 1718 բանտարկյալների, ինչպես նաև 250 պաղեստինցի բանտարկյալների, որոնք դատապարտվել էին ցմահ բանտարկության կամ երկարատև ազատազրկման:
ՌԴ–ի դիրքորոշման համաձայն՝ կարգավորումը հնարավոր է միայն ՄԱԿ-ի Անվտանգության խորհրդի կողմից հաստատված բանաձևի հիման վրա, 1967 թվականի սահմաններով՝ Արևելյան Երուսաղեմում մայրաքաղաքով Պաղեստին պետության ստեղծմամբ։