ԵՐԵՎԱՆ, 6 նոյեմբերի – Sputnik. Մոսկվայի ԲԿՄԱ-ի կիսապաշտպան Արտյոմ Բանդիկյանին հրավիրել են Հայաստանի հավաքական Հունգարիայի և Պորտուգալիայի հետ խաղերի համար։
«Երկար եմ սպասել, որ ինձ Հայաստանի հավաքական հրավիրեն։ Հայաստանի ազգային հավաքականում խաղալը ինձ համար պատիվ և հպարտություն է։ Շատ ուրախ էի հրավեր ստանալու համար։ Զգացմունքներս աննկարագրելի են», – ասել է ֆուտբոլիստը` խոսելով Հայաստանի հավաքական իր առաջին հրավերի մասին։
Նա հայտնել է, որ արդեն զրուցել է գլխավոր մարզիչ Եղիշե Մելիքյանի հետ։ Բանդիկյանը չի բացահայտել զրույցի մանրամասները, սակայն նշել է, որ մարզիչն ակնկալում է, որ նա կհարմարվի թիմին։
«Ավելի վաղ արդեն երկու-երեք օր եղել եմ թիմի տնօրինության տակ։ Կփորձեմ հասկանալ սկզբունքները, հասկանալ պահանջները, որ կդրվեն իմ առաջ և կփորձեմ օգտակար լինել Հայաստանի հավաքականին», – ասել է Բանդիկյանը հատուկ Metaratings-ի համար։
Հայաստանի հավաքականը նոյեմբերի 13-ին կընդունի Հունգարիայի թիմին, իսկ երեք օր անց 2026 թվականի աշխարհի առաջնության ընտրական վերջին արտագնա խաղում կխաղա Պորտուգալիայի հավաքականի հետ։
Հայաստանի հավաքական են հրավիրվել նաև Ռուսաստանի Պրեմիեր լիգայում հանդես եկող Էդուարդ Սպերցյանը (Կրասնոդար), Ուգոչուկվու Իվուն («Ռուբին» Կազան) և Էդգար Սևիկյանը («Ակրոն» Տոլյատի)։