ԵՐԵՎԱՆ, 3 նոյեմբերի – Sputnik. Լոռու մարզի Վանաձոր քաղաքում փլուզում է տեղի ունեցել, փլատակներում դի է հայտնաբերվել։ Տեղեկությունը հայտնում է ՆԳՆ փրկարար ծառայությունը։
Փլուզումը տեղի է ունեցել Տարոն 4 թաղամասի Լեռնային փողոցի տներից մեկում։
Լոռու մարզային փրկարարական վարչության ճգնաժամային կառավարման կենտրոնն ահազանգը ստացել է ժամը 15։56-ին։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից 2 մարտական հաշվարկ։
«Փրկարարները հատուկ տեխնիկայի օգնությամբ փլատակներից դի են դուրս բերել»,– ասված է հաղորդագրությունում։
Աշխատանքներում ներգրավվել է համայնքապետարանի մեկ հատուկ տեխնիկա։