ԵՐԵՎԱՆ, 1 նոյեմբերի – Sputnik․ Սևանա լճից դուրս է բերվել ապօրինի տեղադրված 346 խեցգետնաորսիչ և 90 ձկնորսական ցանց, իսկ 76 խեցգետին բաց է թողնվել լիճ։ Տեղեկությունը հայտնում է ՀՀ շրջակա միջավայրի նախարարության էկոպարեկային ծառայությունը։
Նշվում է, որ ապօրինի տեղադրված ցանցերը հայտնաբերվել են Ծովազարդ բնակավայրին հարակից տարածքում։ Փաստի առթիվ կազմվել է համապատասխան արձանագրություն, ձեռնարկվում են միջոցառումներ իրավախախտում կատարած անձանց հայտնաբերելու ուղղությամբ։
© Photo : Ecopatrol Service of the MOE of RA
Էկոպարեկային ծառայությունը հիշեցնում է, որ կառավարության որոշմամբ 2025 թվականի համար Սևանա լճում խեցգետնի արդյունագործական որսի չափաքանակ չի սահմանվել, իսկ սիգի որսն իրականացվում է լճի ամբողջ տարածքով՝ ափից առնվազն 500 մետր հեռավորության վրա։