ԵՐԵՎԱՆ, 25 հոկտեմբերի – Sputnik. Ուկրաինական զորքերը հարձակվել են Բելգորոդի ջրամբարի ամբարտակի վրա։ Այս մասին հայտնել է նահանգապետ Վյաչեսլավ Գլադկովը։
«Ուկրաինայի զինված ուժերի հարվածի հետևանքով Բելգորոդի ջրամբարի ամբարտակն ունի վնասվածքներ։ Հասկանում ենք, որ թշնամին կարող է փորձել ևս մեկ անգամ հարվածել ու ավերել ամբարտակը։ Եթե դա տեղի ունենա, ջրածածկման վտանգ կլինի` Խարկովի մարզի կողմից գետի հեղեղատարածքի և մեր բնակավայրերի մի քանի փողոցների համար, որտեղ մոտ 1000 մարդ է բնակվում», – գրել է նա Telegram-ի իր ալիքում։
Բելգորոդի ջրամբարը գտնվում է Սևերսկի Դոնեց գետի վրա՝ Բելգորոդից հարավ և Շեբեկինոյից հյուսիս-արևմուտք։
Իշխանությունները Բոլգորոդի բնակիչներին, որոնց կարող է ջրհեղեղի վտանգ սպառնալ, տարհանում են առաջարկել ժամանակավոր տեղակայման կետեր։
Գլադկովը հավելել է, որ ավելի մանրամասն տեղեկություններ կարելի է ստանալ բնակավայրերի չաթերից, անձամբ Շեբեկինոյի վարչակազմի աշխատակիցներից, քաղաքային օկրուգի ղեկավար Անդրեյ Գրիդնևից կամ 112 հեռախոսահամարով։
2024 թվականի օգոստոսից Բելգորոդի մարզում գործում է հակաահաբեկչական գործողության ռեժիմ, որտեղ հռչակվել է արտակարգ իրավիճակ։