Թրամփը հայտարարել է, որ ռուսական նավթ գնելու պատճառով Չինաստանի դեմ մաքսատուրք չի սահմանի

ԵՐԵՎԱՆ, 22 հոկտեմբերի – Sputnik. ԱՄՆ նախագահ Դոնալդ Թրամփը Չինաստանի նկատմամբ լրացուցիչ մաքսատուրքեր սահմանել չի նախատեսում՝ վերջինիս կողմից Ռուսաստանից նավթ գնելու պատճառով։

Այս մասին նա հայտարարել է լրագրողներին՝ պատասխանելով համապատասխան հարցին։

Ավելի վաղ Թրամփը հայտարարել էր, որ մի քանի շաբաթից Հարավային Կորեայում կհանդիպի Չինաստանի նախագահ Սի Ծինփինի հետ։

Չինաստանը և ԱՄՆ–ն փաստացի առևտրային պատերազմի մեջ են, որը սկսվել է այն բանից հետո, երբ ԱՄՆ նախագահ Դոնալդ Թրամփը 2025-ի փետրվարին չինական բոլոր ներմուծումների վրա 10% մաքսատուրք սահմանեց։ Մարտին այն բարձրացվեց մինչև 20%, ապա, մի քանի փոխադարձ քայլերից հետո, չինական ապրանքների համար ԱՄՆ մաքսատուրքը հասավ 145%-ի, իսկ Չինաստան ամերիկյան մատակարարների համար տոկոսադրույքը՝ 125%-ի։

Այնուհետև կողմերը պայմանավորվեցին մայիսի 14-ից 90 օրովը փոխադարձաբար նվազեցնել առևտրային մաքսատուրքերը մինչև 10%։ Այսպիսով, Չինաստանը սկսեց 10% գանձել ամերիկյան ապրանքների ներմուծումից, ԱՄՆ-ն էլ չինական ապրանքների համար 30% սահմանեց, քանի որ գործում է 20% «ֆենտանիլի» մաքսատուրքը։ Գարնան վերջին ամռան սկզբին կողմերը միմյանց մեղադրեցին նախնական պայմանավորվածությունները խախտելու մեջ։