ԵՐԵՎԱՆ, 21 հոկտեմբերի – Sputnik. Դահուկային սպորտի և սնոուբորդի միջազգային ֆեդերացիայի (FIS) խորհուրդը որոշել է թույլ չտալ ռուսաստանցի մարզիկներին մասնակցել միջազգային մրցումներին, այդ թվում՝ Իտալիայում կայանալիք օլիմպիական և Պարալիմպիկ խաղերի որակավորման մրցաշարերին։ Տեղեկությունը հայտնում է Ռուսաստանի դահուկային մրցավազքի ֆեդերացիան։
ՌԴ–ն ներկայացնող մարզիկները չեն կարողանա մասնակցել անգամ չեզոք կարգավիճակում։
Ռուսաստանի դահուկային մարզաձևերի ասոցիացիան խոր հիասթափություն է հայտնել FIS-ի խորհրդի այսօրվա որոշման կապակցությամբ։
Ասոցիացիան որոշումը համարում է ռուսաստանցի մարզիկների նկատմամբ խտրական քաղաքականության շարունակություն, որը հակասում է FIS-ի կանոնադրությամբ ամրագրված քաղաքական չեզոքության սկզբունքին։
ԽՍՀՄ գեղասահքի վաստակավոր մարզիչ Տատյանա Տարասովան, ՌԻԱ Նովոստիի հետ զրույցում մեկնաբանելով ռուսաստանցի դահուկորդներին օլիմպիական խաղերից զրկելու հարցը, հայտարարել է, որ այսօր հույս չի կարելի դնել այն մարդկանց վրա, որոնք որոշում են հայրենական մարզիկների ճակատագիրը։
FIS-ը ռուսաստանցի մարզիկներին թույլ չի տալիս միջազգային մրցումների մասնակցել 2022 թվականից։