Ակումբի նախաձեռնությունն է. գործակալը՝ Տիկնիզյանի սերբական քաղաքացիություն ստանալու մասին

ԵՐԵՎԱՆ, 19 հոկտեմբերի — Sputnik. Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Տիկնիզյանը Սերբիայի քաղաքացիություն է ստացել ակումբի նախաձեռնությամբ, որի կազմում հանդես է գալիս: Այս մասին ՌԻԱ Նովոստիին հայտնել է ֆուտբոլիստի գործակալ Ալեքսանդր Կլյուևը։ Տիկնիզյանը «Ցրվենա Զվեզդա» է տեղափոխվել «Լոկոմոտիվից» հունիսի 1-ին՝ կնքելով 3 տարվա պայմանագիր: Սեպտեմբերի վերջին նա դարձել է Սերբիայի քաղաքացի։

Նշենք, որ 2025/2026 մրցաշրջանում Նաիր Տիկնիզյանը տարբեր մրցաշարերում մասնակցել է 14 հանդիպման՝ կատարելով մեկ գոլային փոխանցում: