ԵՐԵՎԱՆ, 16 հոկտեմբերի – Sputnik. ՀՀ ներկայացուցիչ Մանվել Առաքելյանը Ալբանիայում անցկացված U14 շախմատի աշխարհի առաջնությունում զբաղեցրել է 4-րդ հորիզոնականը։ Տեղեկությունը հայտնում է Հայաստանի շախմատի ֆեդերացիան։
Առաքելյանը 11 հնարավորից վաստակել է 8 միավոր և բաժանել 3-7-րդ տեղերը։ Լրացուցիչ ցուցանիշներով նա զբաղեցրել է 4-րդ տեղը։
Պատանի հայ շախմատիստը նաև 34.8 կետով բարելավել է իր միջազգային վարկանիշը:
Նշենք, որ 14-18 տարեկան պատանիների և աղջիկների առաջնությունն անցկացվել է Ալբանիայի Դուրես քաղաքում հոկտեմբերի 4-15-ը։