«Թրամփն անհամբեր սպասում է». Թաիլանդն ու Կամբոջան կհաշտվեն ԱՍԵԱՆ-ի գագաթնաժողովում

ԵՐԵՎԱՆ, 14 հոկտեմբերի - Sputnik. Թաիլանդը և Կամբոջան հրադադարի մասին համաձայնագիր կստորագրեն Կուալա Լումպուրում ԱՍԵԱՆ-ի գագաթնաժողովի ժամանակ: Այս մասին, ինչպես հաղորդում է «Իզվեստիա» թերթը, հայտարարել է Մալայզիայի արտաքին գործերի նախարար Մոհամադ Հասանը։

Նրա խոսքով` ԱՄՆ նախագահ Դոնալդ Թրամփն անհամբերությամբ է սպասում Թաիլանդի և Կամբոջայի միջև հրադադարի մասին համաձայնագրի կնքման ականատես լինելու հնարավորությանը։

Հիշեցնենք, որ Թաիլանդի և Կամբոջայի միջև հարաբերությունները սրվել են 817 կիլոմետրանոց ցամաքային սահմանի չսահմանագծված հատվածների պատճառով, ինչը 2025 թվականի հուլիսին վերաճել էր հնգօրյա զինված հակամարտության։

ԱՍԵԱՆ-ի առաջնորդների հանդիպումը կկայանա Կուալա Լումպուրում հոկտեմբերի 26-28-ը: