ԵՐԵՎԱՆ, 13 հոկտեմբերի – Sputnik. Ռուսական հակաօդային պաշտպանության համակարգերն այս գիշեր 103 ուկրաինական անօդաչու սարք են ոչնչացրել Ռուսաստանի տարածքում։ Տեղեկությունը հայտնում է ՌԴ պաշտպանության նախարարությունը։
«Հոկտեմբերի 12-ի ժամը 23։00-ից հոկտեմբերի 13-ի ժամը 7։00-ն ընկած ժամանակահատվածում ՀՕՊ հերթապահ միջոցները 103 ուկրաինական ԱԹՍ են խոցել և կալանել` 40-ը՝ Ղրիմի Հանրապետության տարածքում, 26-ը՝ Աստրախանի մարզի, 19-ը՝ Սև ծովի ջրատարածքում, 14-ը՝ Ռոստովի մարզի տարածքում, 2-ը՝ Ազովի ծովի ջրատարածքում, 1-ական՝ Բելգորոդի մարզի և Կալմիկիայի Հանրապետության տարածքում», - ասվում է հաղորդագրության մեջ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։