Արամուս գյուղում ամուսիններին սպանելու մեջ կասկածվողը ձերբակալվել է

ԵՐԵՎԱՆ, 12 հոկտեմբերի - Sputnik. Արամուս գյուղում ամուսիններին սպանելու մեջ կասկածվողը հայտնաբերվել ու ձերբակալվել է, հայտնում է shamshyan.com-ը։

Նախնական տվյալներով՝ Կոտայքի մարզի բնակիչ, 61-ամյա տղամարդը առավոտյան ինչ-որ հարցերի շուրջ վիճաբանություն է ունեցել ամուսինների հետ, ովքեր նրա հարևաններն են, այնուհետև իմանալով, որ ամուսինները տնից դուրս են եկել և գնացել են Արամուս գյուղի դաշտ, գնացել է այնտեղ ու նրանց վրա կրակել որսորդական հրացանից:

Դեպքի փաստով Աբովյանի քննչական բաժնում «սպանություն» հատկանիշերով նախաձեռնվել է քրեական վարույթ:

Ավելի վաղ հայտնել էինք, որ Կոտայքի մարզի Արամուս գյուղում՝ դաշտում, հայտնաբերվել են ամուսիններ Արմենուհի Ղ.-ի և Գևորգ Ղ.-ի մարմինները՝ հրազենային և եղանի հարվածի հետքերով։