ԵՐԵՎԱՆ, 6 հոկտեմբերի - Sputnik. Ուկրաինացի զինվորականներն անցած օրվա ընթացքում 197 անօդաչու թռչող սարքերով հարձակվել են Բելգորոդի մարզի 14 մունիցիպալիտետների վրա, դրանցից 137-ը խոցվել և ճնշվել են, 6 մարդ դիմել է բժշկական օգնության: Այս մասին հայտնել է տարածաշրջանի ղեկավար Վյաչեսլավ Գլադկովը։
Մարզպետի տեղեկություններով՝ անցած օրվա ընթացքում 61 բնակավայր հայտնվել է Ուկրաինայի հարվածի տակ։ Արձակվել է 56 արկ։ Հաշվետու ժամանակահատվածում տարբեր ավերածություններ են հայտնաբերվել 10 բազմաբնակարան շենքերում, 43 մասնավոր տնտեսություններում, մեկ գյուղատնտեսական ձեռնարկությունում, երեք առևտրային և մեկ սոցիալական օբյեկտներում, մեկ պահեստում, մեկ ենթակառուցվածքի օբյեկտում, մեկ ձեռնարկությունում և 74 տրանսպորտային միջոցներում:
«Բելգորոդի շրջանում իրականացվել է 62 անօդաչու թռչող սարքի հարձակում, որոնցից 52-ը խոցվել և ճնշվել են։ Բեսոնովկա գյուղում դրոնի պայթյունից 15-ամյա պատանի է տուժել։ Նա շարունակում է բուժումը հիվանդանոցում։ Երկու տղամարդ վիրավորվել են դրոնների հարվածներից»,-գրել է Գլադկովն իր Telegram-ալիքում։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։