ԵՐԵՎԱՆ, 6 հոկտեմբերի - Sputnik. Արևի ակտիվությունը, որը դեռ փոքր-ինչ բարձր է, երկուշաբթի օրվա ընթացքում շարունակում է նվազել: Այս մասին հայտնել են Ռուսաստանի Գիտությունների ակադեմիայի Տիեզերական հետազոտությունների ինստիտուտի Արեգակնային աստղագիտության լաբորատորիայից:
«Գեոմագնիսական իրավիճակը հանգիստ է։ Բռնկումների ակտիվությունը թեթևակի բարձր է, շարունակում է նվազել»,- ասված է լաբորատորիայի Telegram-ալիքում հրապարակված հաղորդագրության մեջ։
Նշվում է, որ անցած օրվա ընթացքում գեոմագնիսական իրադրությունը հանգիստ է եղել, իսկ բռնկումների ակտիվությունը մի փոքր բարձր է եղել` առանց Երկրի համար ռիսկերի: