ԵՐԵՎԱՆ, 30 սեպտեմբերի - Sputnik. ԵԱՏՄ շրջանակներում արդյունաբերական համագործակցության ևս երեք-չորս նախագիծ հավանության փուլում են սուբսիդավորման համար։ Այս մասին Մինսկում Եվրասիական միջկառավարական խորհրդի նիստի ավարտին լրագրողներին հայտնել է փոխվարչապետ Ալեքսեյ Օվերչուկը։
Օվերչուկը հայտնել է, որ նիստի մասնակիցները շատ մեծ առաջընթաց են արձանագրել արդյունաբերական համագործակցության զարգացման և ԵԱՏՄ-ում արդյունաբերական կոոպերացիային աջակցելու միջոցառումների իրականացման ոլորտում:
«Հիմա արդեն գործում է երկու նախագիծ, որոնցում ներգրավված են Ռուսաստանը, Ղազախստանը և Բելառուսը։ Եվ ներկայումս հաստատման փուլում է ևս 3-4 նախագիծ»,-ասել է Օվերչուկը։
Նա հնարավոր է համարել, որ նման կոոպերացիոն նախագծերի թիվը, որոնց համար սուբսիդավորվում է վարկերի տոկոսադրույքը, մինչև տարեվերջ կարող է հասնել 5-6-ի։
«Ընդ որում, այնտեղ շատ լավ պայմաններ են, ուստի մենք միշտ կոչ ենք անում մեր բիզնեսին, այդ թվում՝ ռուսական բիզնեսին, ուշադիր նայել այն հնարավորություններին, որոնք իրականացվում են Եվրասիական տնտեսական միությունում արդյունաբերական կոոպերացիայի աջակցության ծրագրերի շրջանակներում»,-նշել է Օվերչուկը:
Սեպտեմբերի 30-ին Մինսկում կայացել է Եվրասիական միջկառավարական խորհրդի նիստը կառավարությունների ղեկավարների մասնակցությամբ: