ԵՐԵՎԱՆ, 28 սեպտեմբերի – Sputnik․ Հայ առաքելական եկեղեցու Ռուսաստանի և Նոր Նախիջևանի թեմի առաջնորդ, ամենայն հայոց կաթողիկոս Գարեգին Բ-ի եղբայր Եզրաս արքեպիսկոպոս Ներսիսյանն ընդգրկվել է ուկրաինական ծայրահեղական «Миротворец» («Խաղաղարար») կայքի տվյալների բազայում: Այս մասին են վկայում ռեսուրսի տվյալները։
Արքեպիսկոպոսին մեղադրում են Ուկրաինայի ինքնիշխանության և տարածքային ամբողջականության դեմ ոտնձգության, ինչպես նաև Ռուսաստանին հրապարակայնորեն աջակցելու համար:
Սկանդալային կայքը ստեղծվել է 2014 թվականին։ Դրա նպատակն է բացահայտել և հրապարակել այն մարդկանց անձնական տվյալները, ովքեր իբր թե սպառնում են Ուկրաինայի ազգային անվտանգությանը։ Վերջին տարիներին «Խաղաղարարի» սև ցուցակում են հայտնվել բազմաթիվ լրագրողների, արտիստների կամ քաղաքական գործիչների անձնական տվյալները, որոնք այցելել են Ղրիմ, Դոնբաս կամ ինչ-որ պատճառով բացասական «գնահատական» են ստացել կայքը ստեղծողների կողմից։