ԵՐԵՎԱՆ, 25 սեպտեմբերի – Sputnik. Հայաստանը Մինսկում կայանալիք ԱՊՀ կառավարությունների ղեկավարների խորհրդին կմասնակցի փոխվարչապետի մակարդակով, հայտնել է Բելառուսի փոխարտգործնախարար Պավել Ուտյուպինը։
«Մենք սպասում ենք ԱՊՀ երկրների կառավարությունների ղեկավարներին։ Նրանցից գրեթե բոլորը կլինեն այստեղ առկա ձևաչափով և ներկայացված կլինեն կառավարությունների ղեկավարների մակարդակով։ փոխվարչապետի մակարդակով կայանալիք հանդիպումներին կմասնակցեն Հայաստանը և Թուրքմենստանը», - ասուլիսի ժամանակ ասել է փոխարտգործնախարարը։
ՀՀ փոխվարչապետ Մհեր Գրիգորյանի գրասենյակից Sputnik Արմենիային հաստատել են այս տեղեկությունը՝ նշելով, որ նա կմասնակցի նիստին հեռակա ձևաչափով։
ԱՊՀ կառավարությունների ղեկավարների խորհուրդը կկայանա Մինսկում սեպտեմբերի 29-ին, իսկ Եվրասիական միջկառավարական խորհուրդը՝ սեպտեմբերի 30-ին։