ԵՐԵՎԱՆ, 25 սեպտեմբերի - Sputnik. Հայաստանը ձգտում է ամրապնդել համագործակցությունը ՇՀԿ–ի հետ ՝ հիմնվելով կազմակերպության հիմնարար սկզբունքների վրա: Չինաստանի Ժողովրդական Հանրապետության հիմնադրման 76-ամյակի առիթով Չինաստանի դեսպանատանը կայացած ընդունելության ժամանակ այս մասին ասաց ՀՀ փոխվարչապետ Տիգրան Խաչատրյանը։
Խոսքը անկախության և տարածքային ամբողջականության փոխադարձ հարգանքի, սահմանների անխախտելիության, ագրեսիայի բացառման, ուժի չկիրառման մասին է։
ՀՀ փոխվարչապետը մատնանշել է, որ Երևանի և Պեկինի միջև հարաբերությունները դինամիկ զարգանում են։ Երկու երկրների միջև հարաբերությունները 2025 թվականին հանգեցրել են բազմավեկտոր համագործակցության և փոխադարձ այցելությունների։
«Հայկական «Խաղաղության խաչմերուկ» նախաձեռնությունը կարող է սինխրոնիզացվել Չինաստանի «Մեկ գոտի, մեկ ճանապարհ» նախաձեռնության հետ», - հայտարարել է Խաչատրյանը։
Փոխվարչապետը հիշեցրել է, որ Հայաստանն առաջիններից մեկն էր, որ միացել է այս նախաձեռնությանը։
Նշենք, որ Հայաստանը և Ադրբեջանը ՇՀԿ անդամակցության հայտ էին ներկայացրել, սակայն կազմակերպության վերջին գագաթնաժողովում Հնդկաստանը վետո դրեց Ադրբեջանի, իսկ Պակիստանը՝ Հայաստանի դիմումի վրա։