ԵՐԵՎԱՆ, 16 սեպտեմբերի – Sputnik. ՌԴ ուժերը կրակային վերահսկողություն են հաստատել Խարկովի մարզում Կուպյանսկ տանող մայրուղու մոտ 5 կմ–ի նկատմամբ։ ՌԻԱ Նովոստիին այս մասին հայտնել է ռազմական փորձագետ Անդրեյ Մարոչկոն՝ հղում անելով սեփական աղբյուրներին։
Ավելի վաղ ՌԴ ԶՈւ–ն կադրեր էր ցուցադրել, որոնք հաստատում էին Կուպյանսկի տարածքի մոտ կեսի նկատմամբ ռուսական զորքերի վերահսկողությունը։
«Ակտիվ մարտական գործողությունների ընթացքում մեր զորքերը կրակային վերահսկողություն են հաստատել Խարկովի մարզում Կուպյանսկ տանող H-26 մայրուղու մոտ 5 կմ–ի նկատմամբ։ Բացի այդ, առաջխաղացում գրանցելով այս տարածքում՝ Ռուսաստանի զինված ուժերն ընդլայնել են վերահսկողության գոտին Ստեպովայա Նովոսյոլովկայից հյուսիս-արևմուտք և կրճատել հեռավորությունը դեպի Պեսչանոյե երկաթուղային կայարան»,– ասել է Մարոչկոն։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։