Ռուսաստանի նախագահը «Մուլինո» հրետանային զորավարժարանում հետևել է «Արևմուտք-2025» զորավարժությունների ընթացքին, զննել ռազմական հատուկ գործողության ընթացքում կիրառվող սպառազինության նմուշները, փորձել ջերմատեսիլով հագեցած տակտիկական ակնոցը։ Նա նշել է, որ զորավարժությունների նպատակը Միութենական պետությունը ցանկացած ագրեսիայից պաշտպանելու քայլեր մշակելն է։
«Արևմուտք-2025» զորավարժությունների առանձնահատկություններից մեկը անօդաչու ավիացիայի և ցամաքային ռոբոտների զանգվածային կիրառումն է։ Զորավարժություններն անցկացվել են 41 զորավարժարաններում, մասնակցել է 100 հազար զինծառայող, ընդգրկվել է շուրջ 10 հազար սպառազինության և տեխնիկայի համակարգ, այդ թվում` 333 թռչող սարք և գրեթե 250 նավ։
Զորավարժության պլանը կազմվել է՝ հաշվի առնելով ռազմական հատուկ գործողության ընթացքում ձեռք բերված փորձը։