ԵՐԵՎԱՆ, 13 սեպտեմբերի - Sputnik. ՌԴ Օրյոլի մարզի տարածքում երկաթգծերի ստուգման ժամանակ հայտնաբերվել են պայթուցիկ սարքեր, որոնցից մեկի պայթյունի հետևանքով 2 մարդ է զոհվել։ Այս մասին հայտնել է մարզպետ Անդրեյ Կլիչկովը:
«Օրյոլի մարզի տարածքում երկաթգծերի ստուգման ժամանակ պայթուցիկ սարքեր են հայտնաբերվել։ Ցավոք սրտի, դրանցից մեկի պայթյունի հետևանքով 2 մարդ զոհվել է, 1-ը՝ վիրավորվել», – գրել է նա տելեգրամյան ալիքում։
Ինչպես նշել է պաշտոնյան, Մալոարխանգելսկ-Գլազունովկա հատվածում օպերատիվ միջոցառումների անցկացման կապակցությամբ հետաձգվել է մի շարք գնացքների երթևեկությունը:
Կլիչկովի խոսքով՝ երկաթուղային բրիգադների աշխատակիցները համակողմանի օգնություն և աջակցություն են ցուցաբերում ուղևորներին: Դիտարկվում է ավտոբուսներով նրանց բնակության վայրեր հասցնելու հարցը։
Մարզպետը վստահեցրել է, որ ներկա դրությամբ իրավիճակը վերահսկելի է:
Իրականացվում են անհրաժեշտ համալիր օպերատիվ միջոցառումներ, այդ թվում՝ հանցագործների որոնման ուղղությամբ։