ԵՐԵՎԱՆ, 6 սեպտեմբերի – Sputnik. Աշտարակի խճուղում 6 տրանսպորտային միջոց է այրվում։ Տեղեկությունը հայտնում է ՆԳՆ փրկարար ծառայությունը։
Ճգնաժամային կառավարման ազգային կենտրոնը հրդեհի մասին ահազանգը ստացել է ժամը 13։48-ին։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 2 մարտական հաշվարկ։
Հայտարարվել է հրդեհի բարդության «1 ԲԻՍ» կանչ․ դեպքի վայր է մեկնել ևս 2 մարտական հաշվարկ:
Հրդեհը մեկուսացվել է ժամը 14։51-ին։
Ըստ shamshyan.com–ի` հրդեհը բռնկվել է «Հայֆիլմ» կինոստուդիային պատկանող տարածքում։ Ամբողջությամբ մոխրի է վերածվել 6 տրանսպորտային միջոց, որից 4-ը ավտոբուսներ։