ԵՐԵՎԱՆ, 5 սեպտեմբերի – Sputnik. ««Զանգեզուր» կենսոլորտային համալիր» ՊՈԱԿ մուտք գործելու համար սահմանված մուտքավճարները կատարվում են բացառապես ՊՈԱԿ-ի պետական հաշվեհամարին փոխանցմամբ կամ անկանխիկ՝ մոտենալով կազմակերպության գրասենյակ։ Այս մասին հայտնում է ՀՀ շրջակա միջավայրի նախարարությունը և հորդորում զգուշանալ խարդախություններից։
«Հորդորում ենք զերծ մնալ որևէ անձի կողմից մուտքավճարի պահանջի դեպքում կանխիկ գումար տրամադրելուց»,– ասված է հաղորդագրության մեջ։
Գերատեսչությունը նշում է, որ մուտքավճարները սահմանված կարգով կատարելու դեպքում ՊՈԱԿ-ի կողմից տրվում է անցագիր։
Անցագրերի տրամադրումն իրականացվում է երկուշաբթիից ուրբաթ` 09:00-18:00 ժամանակահատվածում։ Շաբաթ և կիրակի օրերին այցելությունների դեպքում անհրաժեշտ է նախօրոք ձեռք բերել անցագիրը։